පෙම් හුටපටයකට සැරයන්ගෙන් එස්. අයිට පිහි ප්රහාරයක් ත්රිකුණාමලය පරණ පොලිසිය නිල නිවාස සංකීර්ණයේදී පොලිස් සැරයන්වරයකු කොට්ඨාස ත්රස්ත විමර්ශන ඒකකයේ ස්ථානාධිපතිවරයාට ඊයේ (14) පිහියකින් පහරදීම නිසා තුවාල ලබා ත්රිකුණාමලය රෝහලට ඇතුළත් කළ බව වරාය පොලිසිය පවසනවා. පහර කෑමෙන් බේරීමට එම නිල නිවාස සංකීර්ණයට යාබඳව පිහිටි ත්රස්ත විමර්ශන ඒකක කාර්යාලයට දිව ආ ස්ථානාධිපතිවරයා පහරකෑමෙන් බේරි පලා යෑම නිසා උරණ වූ සැරයන්වරයා එහි දේපළවලට හානිකර ඇති බවට ද වාර්තා වෙනවා. ඒ අනුව, දේපලට හානි කිරීම සම්බන්ධයෙන් සැකපිට සැරයෙන්වරයා අත්අඩංගුවට ගෙන තිබෙනවා. ජනෙල් දොරවල්වලට හානි කරද්දී එහි වීදුරුවකට කැපී සැකකාර සැරයන්වරයා ද තුවාල ලබා පොලිස් ආරක්ෂාව යටතේ ත්රිකුණාමලයේ රෝහලේ ප්රතිකාර ලබනවා. ත්රස්ත විමර්ශන ඒකකයේ ස්ථානාධිපතිවරයා සැකකාර සැරයන්වරයාගේ දියණියක් සමග ඇතිකරගත් අනියම් සම්බන්ධයක් මත මෙම පහරදීම සිදුකර ඇති බවට කරුණු හෙළිව ඇතැයි ත්රිකුණාමල වරාය පොලිසිය පවසනවා.
